Life Style

ആരാധകരെ കുഴപ്പിച്ച് എലീനയും ഫുക്രുവും

ആരാധകരെ കുഴപ്പിച്ച് എലീനയും ഫുക്രുവും

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട അവതാരകയും ഒപ്പം നടിയും ആയിരുന്നു എലീന പടിക്കല്‍. ഡേ വിത്ത് സ്റ്റാർ എന്ന പരിപാടിയുമായി പ്രേക്ഷകർക്കിടയിൽ നിറഞ്ഞുനിൽക്കുന്നതിനിടയിലായിരുന്നു താരത്തിന്റെ ബിഗ് ബോസ് എൻട്രി. മിനി സ്ക്രീനിലെ കട്ട വില്ലത്തി ആയി നിറഞ്ഞു നിന്ന എലീനയെ ബിഗ് ബോസിൽ കണ്ടപ്പോൾ ആരാധകർ ആദ്യമൊക്കെ മോശം വിധിയെഴുതി. കട്ട ഫേക്ക് ആണ്. പൊട്ടൻ കളിക്കുന്നതാണ്. അവൾ ഡ്രാമ ക്വീൻ ആണ് എന്നൊക്കെ പലവിധ കമന്റുകൾ ആയിരുന്നു എലീനയ്ക്ക് എതിരെ വന്നത്.

പുറത്തുള്ള പ്രേക്ഷകരെക്കാളും അകത്തുള്ള മത്സരാര്ഥികളും എലീനയെ ഫേക്ക് മത്സരാർത്ഥി ആയി തന്നെ മുദ്ര കുത്തി. പലപ്പോഴും പല ആളുകളും ഇതിന്റെ പേരിൽ എലീനയെ എലിമിനേഷൻ റൗണ്ടിൽ എത്തിച്ചിട്ടും ഉണ്ട്. എന്നാൽ ചിലരൊക്കെ ആ സ്വഭാവത്തെ പയ്യെ പയ്യെ ഉൾക്കൊള്ളാൻ ശ്രമിച്ചു. അത്തരത്തിൽ ആദ്യമൊക്കെ തമ്മിൽ തമ്മിൽ കണ്ടാൽ കീരിയും പാമ്പും ആയിരുന്നവർ ആണ് പിന്നീട് ഒരു വലിയ സഹൃദത്തിലേക്ക് എത്തിയത്. അങ്ങനെ ഒന്നായവർ ആണ് ഫുക്രുവും എലീനയും.

ഇപ്പോൾ എലീനയെ കുറിച്ച് ഫുക്രു എഴുതിയ വാക്കുകളും ചിത്രവുമാണ് ഏറെ വൈറൽ ആയിരിക്കുന്നത്. ഇവളെ ഫേക്ക്, എന്ന് വിളിച്ചതില്‍ ഞാന്‍ ഖേദിക്കുന്നു, കാരണം ഫേക്കാവാനും വേണം ലേശം ബുദ്ധിയെന്നാണ് ഫുക്രു പറഞ്ഞത്. എന്റെ ഊളയാണിതെന്നും എന്റെ തോല്‍വിയെന്നും ഒക്കെയാണ് ഹാഷ്ടാഗുകൾ വഴി എലീനയെക്കുറിച്ച് ഫുക്രു കുറിച്ചത്.

Show More
Back to top button
Close