Latest NewsSocial Media Trend

‘മരണത്തിലും തെറ്റാത്ത പ്രവചനം, സ്വാമി രാമാനന്ദ സരസ്വതി അന്തരിച്ചു

കൊച്ചി: സ്വാമി രാമാനന്ദ സരസ്വതി (ചന്തുക്കുട്ടി സ്വാമി -98) അന്തരിച്ചു. കൊല്ലൂര്‍ രാമാനന്ദാശ്രമ സ്ഥാപകനായ സ്വാമി ഇന്നലെ പുലര്‍ച്ചെ രണ്ട് മണിയോടെയാണ് അന്തരിച്ചത്. നടൻ മോഹൻലാലിനെ 35 വര്‍ഷം മുൻപ് കുടജാദ്രിയിലേയ്ക്ക് കൂട്ടിക്കൊണ്ടു പോയത് സ്വാമിയായിരുന്നുവെന്നാണ് റിപ്പോര്‍ട്ടുകള്‍.

വര്‍ഷങ്ങള്‍ക്ക് മുൻപ് മോഹൻലാലിനെ വീട്ടിലെത്തി കാണുമ്പോള്‍ 2020ൽ താൻ ദേഹവിയോഗം ചെയ്യുമെന്ന് സ്വാമി അറിയിച്ചിരുന്നുവെന്നാണ് പറയപ്പെടുന്ത്. ഒന്നര വര്‍ഷം മുൻപ് ഒടിയൻ സിനിമയുടെ സെറ്റിൽ വച്ചും ഇരുവരും തമ്മിൽ കണ്ടുമുട്ടിയിരുന്നു. അന്ന് തനിക്ക് ഒന്നര വര്‍ഷം കൂടിയേ ആയുസ്സുള്ളൂവെന്നും ഇനി കാണില്ലെന്നും സ്വാമി പറഞ്ഞതായാണ് റിപ്പോര്‍ട്ടുകള്‍.

സ്വാമി നിത്യാനന്ദയുടെ ശിഷ്യനാണ് സ്വാമി രാമാനന്ദ സരസ്വതി. കോഴിക്കോട് പന്തീരാങ്കാവ് സ്വദേശിയായ സ്വാമി 50 വര്‍ഷം മുൻപ് കൊല്ലൂരിലെത്തുകയും തുടര്‍ന്ന് ക്ഷേത്രപരിസരത്തും കുടജാദ്രി മലമകളിലെ ഗുഹയിലുമായി വര്‍ഷങ്ങളോളം ജീവിക്കുകയായിരുന്നു. ഇതിനു ശേഷമാണ് മൂകാംബികാ ദേവീക്ഷേത്ര പരിസരത്ത് ആശ്രമം സ്ഥാപിച്ചത്.

കുടജാദ്രിയിലേയ്ക്ക് വാഹനസൗകര്യമുണ്ടാകുന്നതിനു മുൻപ് മലമുകളിലെത്താൻ പണ്ട് ഒട്ടേറെപ്പേരെ സ്വാമി സഹായിച്ചിരുന്നു. കൊല്ലൂര്‍ സൗപര്‍ണി തീരത്തുള്ള പൊതുശ്മശാനത്തിൽ സ്വാമിയുടെ സംസ്കാരം നടന്നു.

Tags
Show More

Related Articles

Back to top button
Close